CƏMİYYƏT


2025-ci ildən sonra əmək bazarına daxil olan gənclərin sayının artacağı proqnozlaşdırılır

Bakı, 31 oktyabr. AZƏRTAC

Qarşıdakı illərdə ölkə əhalisinin təbii artımı nisbətən azalacaq və bu, 15 yaşadək olanların xüsusi çəkisinin 2025-ci ildən sonra aşağı

düşməsi ilə nəticələnəcək.

AZƏRTAC xəbər verir ki, pensiya yaşına çatmış əhalinin sayının 2015-ci ildəkinə (841 min nəfər) nisbətən 2030-cu ilədək 2 dəfə artacağı proqnozlaşdırılır ki, bu da dövlətin sosial yükünü artıra, həmçinin yaşlı insanların sosial təminatında əlavə tədbirlərin həyata keçirilməsi zərurətini yarada bilər.

Ötən il ölkəmizdə 15–64 yaş arasında əhalinin sayı 7 milyon nəfərdən artıq olub. Proqnozlar göstərir ki, 2025-ci ilədək bu rəqəm demək olar ki, dəyişməyəcək, növbəti beş ildə isə 1,3 faiz artacağı gözlənilir.

Əmək bazarına daxil olan 15–24 yaş arasında gənclərin sayında azalma meylinin 2025-ci ilədək davam edəcəyi, ondan sonrakı beş ildə isə artacağı proqnozlaşdırılır. Ötən il ölkəmizdə 15–24 yaş arasında gənclərin sayı 1,5 milyon nəfərə yaxın idisə, 2025-ci ildə bunun hazırkı saydan 17 faiz az olacağı ehtimal edilir. Sonrakı illərdə isə həmin rəqəm artaraq 2030-cu ildə 2015-ci ilin səviyyəsinə, yəni 1,6 milyon nəfərə çatacağı gözlənilir.

Qeyd edək ki, bu barədə Prezident İlham Əliyevin təsdiq etdiyi “2019–2030-cu illər üçün Azərbaycan Respublikasının Məşğulluq Strategiyası” haqqında Sərəncamda əhalinin yaş strukturu üzrə proqnozlarda məlumat verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.