DÜNYA
Türkiyə xarici işlər naziri Antalyada rusiyalı həmkarı ilə görüşüb VİDEO
Antalya, 10 mart, AZƏRTAC
Türkiyənin Antalya şəhərində bu ölkənin xarici işlər naziri Mövlud Çavuşoğlu ilə Rusiyanın xarici işlər naziri Sergey Lavrov arasında görüş keçirilib.
AZƏRTAC xəbər verir ki, nazirlər əvvəlcə ikitərəfli, sonra isə heyətlərin iştirakı ilə görüşüblər.
Bundan əvvəl Türkiyə və Ukraynanın xarici işlər nazirləri bir araya gəliblər.
Qeyd edək ki, bu gün Türkiyənin vasitəçiliyi ilə xarici işlər naziri Mövlud Çavuşoğlu, Rusiyanın xarici işlər naziri Sergey Lavrov və Ukraynanın xarici işlər naziri Dmitri Kuleba arasında Antalya Diplomatik Forumu çərçivəsində üçtərəfli görüş keçiriləcək.
Ekspertlər sözügedən üçtərəfli görüşü Antalya Diplomatik Forumunun ən mühüm hadisəsi kimi dəyərləndirirlər. Hazırda bütün dünya ictimaiyyətinin diqqəti bu görüşə yönəlib.
Sabir Şahtaxtı
AZƏRTAC-ın xüsusi müxbiri
Antalya