Çində bina dağıntısı altından 5 nəfər xilas edilib VİDEO
Pekin, 30 aprel, AZƏRTAC
Çinin Çanşa şəhərində çökən yaşayış binasının dağıntıları altında 5 nəfər xilas edilib.
AZƏRTAC şəhər hökumətinin məlumatına istinadla xəbər verir ki, xilas edilənlər müayinə üçün dərhal xəstəxanaya çatdırılıblar. Hazırda itkin düşdüyü ehtimal olunanların axtarışları davam edir. Axtarış işlərinə 130-dan çox şəxsi heyət, onlarla texnika cəlb olunub.
Qeyd edək ki, aprelin 29-da günorta saatlarında Çanşa şəhərində yaşayış binası çöküb. Müvafiq icazə olmadan tikilmiş binada qəza vaxtı neçə sakinin olması barədə dəqiq məlumat yoxdur.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
