Braziliyada leysan yağışlar nəticəsində ölənlərin sayı 84 nəfərə çatıb VİDEO
Bakı, 30 may, AZƏRTAC
Braziliyanın şimal-şərqində şiddətli yağışlar 80-dən çox insanın həyatına son qoyub, onlarla insan itkin düşüb.
AZƏRTAC xəbər verir ki, bu barədə G1 informasiya portalı yerli hakimiyyət orqanlarına istinadla məlumat yayıb.
Məlumata görə, leysan yağışlar və torpaq sürüşmələri nəticəsində Pernambuku ştatında həlak olanların sayı 84 nəfərə çatıb. Regional inkişaf naziri Daniel Ferreyranın sözlərinə görə, 50-dən çox insan itkin düşmüş sayılır, 4 minə yaxın sakin isə evsiz qalıb. Təbii fəlakət zonasını tərk edənlər müvəqqəti olaraq məktəb binalarında yerləşdirilir.
Braziliya Prezidenti Jair Bolsonaru bildirib ki, zərər çəkənlərə hərbçilər kömək göstərəcək.
Bölmənin digər xəbərləri
