Çində neft-kimya zavodundakı yanğın insan tələfatına səbəb olub VİDEO
Pekin, 18 iyun, AZƏRTAC
Çinin Şanxay şəhərində neft-kimya məhsulları zavodunda baş verən yanğında ən azı bir nəfər ölüb.
AZƏRTAC zavodun yerləşdiyi Cinşan rayonu hökumətinin məlumatına istinadla xəbər verir ki, yanğın yerli vaxtla səhər saat 04:28-də başlayıb. Hadisə yerinə yanğınsöndürən briqadalar və xilasedicilər cəlb olunub. Yanğın böyük dərəcədə nəzarət altına alınıb. İndiyədək bir nəfərin meyiti tapılıb. Hazırda axtarış işləri davam edir.
Qeyd edək ki, bu, son həftədə Çində sənaye müəssisələrində baş verən 2-ci böyük qəzadır. İyunun 16-da Qansu vilayətinin Ləncou şəhərində kimyəvi məhsullar zavodunda baş verən partlayış nəticəsində 6 nəfər itkin düşüb, 8 nəfər isə müxtəlif dərəcəli bədən xəsarəti alıb. Axtarış işlərinin gedişində itkin düşənlərin meyitləri tapılıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
