Fransa milli bayramını - Bastiliyanın alınması gününü qeyd edir VİDEO

14.07.2022 [15:22]
Çap et
A⁺ A^-

Paris, 14 iyul, AZƏRTAC

İyulun 14-də Fransa milli bayramını - Bastiliyanın alınması gününü qeyd edir.

AZƏRTAC xəbər verir ki, milli bayram münasibətilə Parisdə Yelisey Çölləri prospektində parad keçirilib. Baş Qərargahın rəisi, ordu generalı Prezident Emmanuel Makrona parad barədə raport verib. Parad səhər saat 10-da paytaxt səmasında ölkənin üçrəngli bayrağının təsvirini göstərən qırıcı təyyarələrin uçuşu ilə başlayıb. Hərbi parada 6 min 300 hərbçi səfərbər olunub. Sonra Estoniya, Latviya, Litva, Polşa, Çexiya, Slovakiya, Macarıstan, Rumıniya və Bolqarıstan kimi doqquz ölkədən olan piyada qoşunlarının hərbçilərin Yelisey çölləri prospektindən keçib. Paradda ilk dəfə “Jaguar” kəşfiyyat və yeni nəsil “Griffon” zirehli maşınları nümayiş olunub.

Hərbi paradda qırıcı təyyarələr, quru qoşunlarının əsgərləri, daxili qoşunların hərbçiləri, süvari və respublika qvardiyaçıları iştirak ediblər.

Şəhla Ağalarova

AZƏRTAC-ın xüsusi müxbiri

Paris