Yaponiyada yol-nəqliyyat hadisəsi baş verib, ölən və yaralananlar var VİDEO
Tokio, 22 avqust, AZƏRTAC
Yaponiyanın Naqoya şəhərinin yaxınlığındakı sürətli yolda baş verən yol-nəqliyyat hadisəsi nəticəsində sərnişin avtobusu yanıb.
AZƏRTAC Kyodo agentliyinə istinadla xəbər verir ki, qəza nəticəsində iki nəfərin öldüyü, daha altı nəfərin müxtəlif dərəcəli xəsarətlər aldığı bildirilir. Yaralananların vəziyyətinin sabit olduğu qeyd edilir.
Hadisə zamanı bir neçə nəqliyyat vasitəsinin toqquşduğu, hadisə yerində xilasedicilərin və yanğınsöndürənlərin çalışdığı bildirilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
