Çində zəlzələdə 7 nəfər ölüb VİDEO
Pekin, 5 sentyabr, AZƏRTAC
Çinin Siçuan vilayətində baş verən 6,8 bal gücündə zəlzələ 7 nəfərin ölümünə səbəb olub.
AZƏRTAC Çinin Fövqəladə Halların İdarəedilməsi Nazirliyinə istinadla xəbər verir ki, zəlzələ vilayətin Qanzi Tibet muxtar prefekturasında yerli vaxtla saat 12:52-də (Bakı vaxtı ilə 8:52) baş verib. Zəlzələ ocağı yer səthindən 16 kilometr dərinlikdə olub.
Nazirlik təbii fəlakətlə əlaqədar 4-cü səviyyədə fövqəladə hazırlıq elan edib. Bölgəyə xeyli canlı qüvvə və 530 xilasedici cəlb olunub. Hazırda axtarış-xilasetmə işləri davam etdirilir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
