Əfqanıstanda baş vermiş partlayış nəticəsində Rusiya səfirliyinin iki əməkdaşı həlak olub VİDEO
Moskva, 5 sentyabr, AZƏRTAC
Rusiyanın Əfqanıstandakı səfirliyinin qarşısında törədilmiş partlayış nəticəsində səfirliyin iki əməkdaşı həlak olub.
AZƏRTAC xəbər verir ki, bu barədə Rusiya XİN məlumat yayıb.
Hadisə sentyabrın 5-də səhər saatlarında diplomatik nümayəndəliyin əməkdaşları viza almaq üçün konsulluq şöbəsinin qarşısına toplaşmış insanlara yaxınlaşarkən baş verib. Naməlum şəxs üzərində olan partlayıcı qurğunu işə salıb.
İlkin məlumata görə, partlayış nəticəsində xeyli sayda insan həlak olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
