Parisdə silahlı hücum nəticəsində azı iki nəfər ölüb, yaralalananlar var VİDEO
Bakı, 23 dekabr, AZƏRTAC
Fransanın paytaxtı Parisdə silahlı şəxsin atəş açması nəticəsində iki nəfər həlak olub.
AZƏRTAC BFM telekanalına istinadla xəbər verir ki, hadisə paytaxtın Engien küçəsində yerləşən kürd mədəniyyət mərkəzinin yaxınlığında baş verib.
İnsident nəticəsində, həmçinin dörd nəfər müxtəlif dərəcəli xəsarətlər alıb. Həkimlər yaralılardan ikisinin vəziyyətinin ağır olduğunu deyirlər. Cinayəti törətməkdə şübhəli bilinən 69 yaşlı şəxs polis tərəfindən saxlanılıb.
Təhlükəsizlik qüvvələrinin ilkin məlumatına görə, atəş açan şəxs təklikdə hərəkət edib. Hazırda cinayətin motivləri araşdırılır. Prokurorluq faktla bağlı təhqiqata başlayıb.
Bölmənin digər xəbərləri
