Braziliyada yağan güclü yağışlar çoxlu sayda insanın ölümünə səbəb olub VİDEO
Bakı, 20 fevral, AZƏRTAC
Braziliyanın San-Paulu ştatının şimal sahillərində yağan güclü yağışlar nəticəsində azı 36 nəfər ölüb, onlarla insan itkin düşüb.
AZƏRTAC xəbər verir ki, bu barədə "G1" portalı məlumat yayıb.
Məlumata əsasən, son sutka ərzində bölgəyə bir aylıq yağıntı düşüb. Təbii fəlakət çoxsaylı daşqınlara və sürüşmələrə, yaşayış binalarının və infrastrukturun dağılmasına səbəb olub.
Yerli hakimiyyət orqanlarının məlumatına görə, onlarla insan dağıntılar altında qalmaqda davam edir.
Təbii fəlakətdən əziyyət çəkən 5 bələdiyyədə fövqəladə vəziyyət elan edilib. Bir çox ərazilərdə su və elektrik enerjisinin verilişi dayandırılıb, mobil rabitə işləmir.
Bölmənin digər xəbərləri
