Pakistanda terror aktı nəticəsində azı 14 hərbçi həlak olub VİDEO
Bakı, 4 noyabr, AZƏRTAC
Pakistanın Bəlucistan və Xeybər Patunvha əyalətlərində təhlükəsizlik qüvvələrinə qarşı bombalı hücumlar olub.
AZƏRTAC Pakistan KİV-ə istinadla xəbər verir ki, Bəlucistan əyalətində təhlükəsizlik qüvvələrinə aid iki avtomobilə terror hücumu nəticəsində 14 hərbçi həlak olub. Xeybər Patunhva əyalətində isə polis əməkdaşlarına məxsus xidməti mikroavtobusa yaxın yerdə törədilən partlayış nəticəsində 5 nəfər ölüb, 21 nəfər yaralanıb.
Bundan başqa, terrorçular Pakistan Hərbi Hava Qüvvələrinin Mianvalidəki bazasına da hücum ediblər. Baş verən silahlı atışma zamanı onlardan 3 nəfəri zərərsizləşdirilib. Hücum zamanı 3 hərbi təyyarə və 1 tanker zədələnib.
Pakistanın hakimiyyət orqanları terror aktlarını “Taliban”ın bir qolu olan TTP silahlı qruplaşması tərəfindən törədildiyini bəyan ediblər.
Bölmənin digər xəbərləri
