Andriy Yermak: 2024-cü il Rusiya ilə müharibədə həlledici il olacaq VİDEO
Bakı, 14 noyabr, AZƏRTAC
Növbəti il Rusiya ilə müharibədə həlledici il olacaq. Ukraynanı müharibənin ən çətin dövrü gözləyir.
AZƏRTAC xəbər verir ki, Ukrayna prezidenti ofisinin rəhbəri Andriy Yermak bu fikri Vaşinqtondakı Hudzon İnstitutunda çıxışı zamanı səsləndirib.
Onun sözlərinə görə, Ukraynanı çətin qış gözləyir və Kiyev hazırda hava hücumundan müdafiə sistemlərinə böyük ehtiyac duyur. Andriy Yermak, həmçinin Ukrayna hakimiyyət orqanlarının Qərbdən aldığı “hər gülləyə görə” hesabat verə biləcəyini vurğulayıb.
Bir müddət öncə Ukrayna prezidenti ofisinin rəhbəri Rusiya ilə müharibəni 100 metr məsafəyə qaçışla müqayisə etmiş və Kiyevin artıq 70 metri arxada qoyduğunu demişdi.
Bölmənin digər xəbərləri
