Floridada təyyarə yaşayış ərazisinə düşüb VİDEO
Bakı, 2 fevral, AZƏRTAC
Florida ştatının Kliruoter şəhərində “Beechcraft Bonanza V35” təyyarəsinin treyler yaşayış parkının ərazisinə çırpılması nəticəsində bir neçə nəfər həlak olub.
AZƏRTAC Foxnews saytına istinadla xəbər verir ki, yerli yanğınsöndürmə xidmətinin rəisi Skott Elers yanğının ətrafdakı evlərə də yayıldığını, bir neçə nəfərin yaralandığını, lakin həlak olanların sayının dəqiqləşdirilmədiyini bildirib. Təyyarə pilotunun da həlak olduğu ehtimal edilir.
Qəzadan öncə pilotun təyyarənin mühərrikində nasazlıq olması barədə məlumat verdiyi, bundan sonra radarlardan itdiyi deyilir.
Bölmənin digər xəbərləri
