Kiyev vilayətinin ən böyük istilik elektrik stansiyası-“Tripolye" tamamilə dağılıb VİDEO
Kiyev, 11 aprel, AZƏRTAC
Rusiya silahlı qüvvələrinin hücumları nəticəsində Kiyev vilayətində yerləşən ən böyük İstilik Elektrik Stansiyası (İES) -“Tripolye” tamamilə dağılıb.
AZƏRTAC xəbər verir ki, bu barədə Ukraynanın “Senterenerqo” enerji şirkətinin Müşahidə Şurasının sədri Andrey Qota məlumat verib.
Onun sözlərinə görə, zərbələr nəticəsində turbin sexində irimiqyaslı yanğın baş verib. Müəssisədə yanğının qarşısının alınması istiqamətində işlər davam etdirilir.
Qota deyib ki, hücum nəticəsində xəsarət alan olmayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
