Mərkəzi Afrika Respublikasında gəmi qəzası nəticəsində ölənlərin sayı 62-yə çatıb VİDEO
Bakı, 22 aprel, AZƏRTAC
Mərkəzi Afrika Respublikasında cümə günü baş vermiş gəmi qəzası nəticəsində ölənlərin sayı 62 nəfərə çatıb.
AZƏRTAC “China.org” saytına istinadla xəbər verir ki, Mülki Müdafiə qüvvələrinin baş direktoru Tomas Dimas sudan ilkin olaraq 58 cəsədin çıxarıldığını, bazar günü isə üç qadın və bir uşaq da daxil olmaqla daha dörd cəsədin tapıldığını bildirib. O, suda batanların dəqiq sayının məlum olmadığını, xeyli sayda insanın hələ də itkin düşdüyünü söyləyib.
Hazırda axtarış işləri davam etdirilir.
Xatırladaq ki, hadisə paytaxt Banqui şəhərindəki Mpoko çayı üzərində təxminən 300-dən çox insanı daşıyan gəminin batması nəticəsində baş verib.
Bölmənin digər xəbərləri
