REGİONLAR


TAXIL SƏPİNİ DAVAM EDİR

Ağdaşda taxıl əkini kampaniyası sürətlə davam edir. Bütün ərazi bölgələrində taxıl istehsalına göstərilən xüsusi qayğının nəticəsidir ki, məhsul istehsalı ildən-ilə artır. Rayon icra hakimiyyətinin aqrar şöbəsində AZƏRTAC-ın müxbirinə bildirmişlər ki, bu il 12021 hektar sahədən 36998 ton taxıl götürən torpaq mülkiyyətçiləri məhsuldarlığı hər hektarda 30,8 sentnerə çatdırmışlar. Hazırda 9200 hektarda səpin keçirilmişdir. Proqnozlara görə, gələn ilin məhsulu üçün 13500 hektaradək sahədə taxıl əkiləcəkdir. Havaların dəyişkən keçməsi müəyyən çətinliklər yaratsa da, torpaq mülkiyyətçiləri əlverişli keçən günlərdən səmərəli istifadə edirlər. Hazırda sahələrdə 77 səpin aqreqatı, bir o qədər də malaçəkən traktor işləyir. Bir sıra ərazi bölgələrində, xüsusilə Ərəbocağı, Yuxarı Nemətabad, Qobuüstü və Şəmsabadda taxılçılar növbəli əkinə üstünlük verirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.