CƏMİYYƏT


Azərbaycanın bölgələrində yeni tibb müəssisələri istifadəyə verilmişdir

Bakı, 1 oktyabr (AZƏRTAC). Azərbaycanda tikilərək istifadəyə verilən yeni tibb ocaqlarının sayı artmaqdadır.

Azərbaycan Respublikası Səhiyyə Nazirliyinin və Dünya Bankının “Səhiyyə sektorunda islahatlar layihəsi” çərçivəsində rayonlarda 10 tibb müəssisəsi inşa olunaraq əhalinin istifadəsinə verilmişdir.

Nazirliyin mətbuat xidmətindən AZƏRTAC-a bildirmişlər ki, Şəkidə Aşağı Göynük kənd xəstəxanasının və Baş Göynük kənd həkim məntəqəsinin, Qaxda Əlibəyli kənd xəstəxanasının və Güllük kənd həkim məntəqəsinin, İsmayıllıda Lahıc qəsəbə xəstəxanasının, İvanovka kənd xəstəxanasının, Topçu və Tircan kənd həkim məntəqələrinin, Ağdaşda isə Ərəbocaq və Qolqəti kənd həkim məntəqələrinin açılışları olmuşdur.

Bu tibb müəssisələrində əhaliyə keyfiyyətli tibbi xidmət göstərilməsi üçün bütün lazımı şərait yaradılmışdır. Yüksək standartlara cavab verən müasir tibb ocaqlarının istifadəyə verilməsi ölkəmizdə səhiyyə sahəsinə, insanların sağlamlığına diqqət və qayğının bariz nümunəsidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.