YAZLIQ BİTKİLƏR ƏKİNİ DAVAM ETDİRİLİR
Ağdaş Rayon İcra Hakimiyyətindən AZƏRTAC-ın müxbirinə bildirmişlər ki, şəxsi və fermer təsərrüfatlarında yazlıq bitkilər əkini davam edir. Rayonda indiyədək 783 hektar sahədə faraş tərəvəz əkilmişdir. Bu il tarlalarda 43 min 500 tondan çox məhsul yetişdirmək nəzərdə tutulmuşdur.
Bakıdakı satış yarmarkalarında kənd təsərrüfatı məhsullarının sərbəst satılması üçün hər cür şəraitin yaradılması fermerləri cari ildə daha çox sahədə faraş tərəvəz yetişdirməyə sövq etmişdir. Rayonun Xosrov, Qulbəndə, Kotanarx, Cardam, Orta və Aşağı Ləki kəndlərində əsasən faraş kələm, “Ağdaş-istixana” ASC-də örtülü şəraitdə pomidor və xiyar yetişdirilir.
Torpaq mülkiyyətçiləri arasında aparılan izahat işlərinin nəticəsində pambıq əkini əvvəlki illə müqayisədə 506 hektar artırılaraq 2.006 hektara çatdırılmışdır. Fermerlər pambıq əkini və tədarükü üçün “Ağdaş-Pambıq” ASC və “Şəki-İpək” ASC ilə müqavilə bağlamışlar.
Bölmənin digər xəbərləri
