Çin orbitə 2 məsafədən zondlama peyki yerləşdirib VİDEO
Pekin, 26 mart, AZƏRTAC
Çin eyni daşıyıcı raketlə orbitə 2 məsafədən zondlama peyki çıxarıb.
AZƏRTAC xəbər verir ki, peykləri orbitə aparan “Uzun yürüş-2D” raketi Pekin vaxtı ilə səhər saat 6:51-də Şensi əyalətindəki Tayyuan məntəqəsindən buraxılıb. Raket “Siwei Gaojing-2 05” və “Siwei Gaojing-2 06” peyklərini planlaşdırılan orbitə yerləşdirib.
Çin Aerokosmik Elm və Texnologiya Korporasiyasının məlumatına görə, törəmə müəssisə olan Şanxay Kosmik Uçuş Texnologiyaları Akademiyası tərəfindən hazırlanan peyklər yüksəkdəqiqlikli radarlarla təchiz olunub və təbii sərvətlərin idarə edilməsi, ictimai təhlükəsizlik, fövqəladə hallara cavab, dəniz monitorinqi kimi əməliyyatlar üçün məlumat toplanması məqsədi ilə istifadə olunacaq.
Qeyd edək ki, bu, “Uzun yürüş” seriyasından 63-cü raket buraxılışı olub. Hündürlüyü 40,6, diametri 3,35 metr olan “Uzun yürüş-2D” raketi 251 ton qaldırma gücünə malikdir.
Bölmənin digər xəbərləri
