Rusiya Ukraynanın Slavyansk şəhərini bombalayıb: ölənlər və yaralananlar var VİDEO
Kiyev, 24 iyul, AZƏRTAC
İyulun 24-dü səhər Slavyanskda partlayış səsləri eşidilib. Rusiya ordusu şəhərə aviabombalar atıb. Ölən və yaralananlar var, yaşayış binalarına, bir müəssisəyə və diplomatik nümayəndəliyə ziyan dəyib.
AZƏRTAC bu barədə regional hərbi administrasiyanın rəhbəri Vadim Filaşkinə istinadla xəbər verir.
Slavyanskın bombalanması nəticəsində beş nəfər həlak olub, doqquz nəfər yaralanıb. Rəqəmlər yenilənir.
Bombalar on fərdi evi dağıdıb. Bir müəssisə və Latviya Respublikasının fəxri konsulluğunun binasına da ziyan dəyib.
“Ruslar şəhərlərimizə hər gün hücum edirlər və ardıcıl ikinci gündür ki, onların hücumları Slavyanskda çoxsaylı itkilərə səbəb olub”, -deyə Filaşkin əlavə edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
