Saymon Stil: COP29 çərçivəsində Azərbaycan iqlim maliyyələşdirilməsi istiqamətində əhəmiyyətli irəliləyiş əldə etməyə kömək etdi VİDEO
Bakı, 7 sentyabr, AZƏRTAC
COP29 çərçivəsində Azərbaycan ölkələrə iqlim maliyyələşdirilməsi istiqamətində əhəmiyyətli bir irəliləyiş əldə etməyə kömək etdi: 2035-ci ilə qədər ildə 300 milyard dollar məbləğində yeni qlobal iqlim maliyyə məqsədi qəbul olundu. Eyni zamanda, bütöv tərəflərə 2035-ci ilə qədər iqlim maliyyəsini illik ən azı 1,3 trilyon dollara çatdırmaq çağırışı edildi və bu məqsədə doğru "Bakıdan-Bələmə Yol Xəritəsi"nin işə salınmasına dəstək verildi. Bu böyük əhəmiyyət kəsb edir, çünki maliyyə iqlim fəaliyyətinin ana hərəkətverici qüvvəsidir.
AZƏRTAC xəbər verir ki, bu sözləri Bakı İqlim Fəaliyyəti Həftəsi 2026-nın (BCAW2026) açılış mərasimində BMT-nin İqlim Dəyişikliyi üzrə Çərçivə Konvensiyasının icraçı katibi Saymon Stil deyib.
"Keçid prosesi geri dönməzdir. Paris Sazişi işləyir və biz birlikdə onu daha irəliyə və daha sürətlə aparacağıq. Bakıdan Antalyaya və ondan da kənara doğru biz bu öhdəliyi fəaliyyətə çevirməliyik", - deyə Saymon Stil bildirib.
Onun sözlərinə görə, Bakı İqlim Fəaliyyəti Həftəsi regional liderliyi qlobal impulsla birləşdirərək bu prioritetləri praktiki irəliləyişə çevirməyə və keçidin daha sürətli, daha ədalətli olmasını, daha çox yerdə daha çox insana daha tez fayda verməsini təmin etməyə kömək edə bilər.
Bölmənin digər xəbərləri
