Vajiha Harris: Münaqişə bölgələrində qadınların yükü ikiqat ağırdır, onların ehtiyacları xüsusi diqqət tələb edir VİDEO
Bakı, 28 oktyabr, AZƏRTAC
Münaqişə bölgələrində qadınların yükü ikiqat olur. Onlar daha böyük dözümlülük göstərməli və bizim kimi normal şəraitdə yaşayan qadınlardan daha güclü olmalıdırlar.
AZƏRTAC xəbər verir ki, bunu “Şəhrizad” Fondunun prezidenti və təsisçisi Vajiha Harris VII Ümumdünya Mədəniyyətlərarası Dialoq Forumu çərçivəsində keçirilən “Bilik, liderlik və imkanlar: ortaq gələcək naminə körpülərin qurulmasında qadınların və qızların rolunun gücləndirilməsi” mövzusundakı dialoqda deyib.
O bildirib ki, həmin bölgələrdə 18 yaşdan yuxarı bütün kişilər döyüşməli olduğu üçün qadınların üzərinə düşən yük çox ağır olur. Onlar yalnız ailələrinə, uşaqlarına və yaşlılara qayğı göstərmirlər, eyni zamanda, kişilərin cəmiyyətdə gördükləri işləri də öz üzərilərinə götürürlər. Yəni bu qadınlar həm öz işlərini görür, həm də kişilərin yoxluğundan yaranan boşluğu doldururlar.
“Münaqişə bölgələrindəki qadınlarla sülh şəraitində və təhlükəsiz ərazilərdə yaşayan insanlar arasında əməkdaşlıq gücləndirilməlidir. Onların fikirləri və töhfələri çox dəyərli olar. Bu, qadınlarla bağlı proqramlarımızı yeniləməyə və daha da təkmilləşdirməyə kömək edə bilər. Çünki onların ehtiyacları bizimkindən fərqlidir. Bu əməkdaşlıq həm təhsil sahəsindəki ehtiyacların, həm də qadınlarla bağlı digər ehtiyacların daha düzgün müəyyənləşdirilməsinə və qarşılanmasına kömək ola bilər”, - deyə Vajiha Harris vurğulayıb.
Bölmənin digər xəbərləri
