Naxçıvanda 8 Noyabr – Zəfər Günü münasibətilə inklüziv konsert proqramı təşkil edilib VİDEO
Naxçıvan, 5 noyabr, AZƏRTAC
Noyabrın 5-də Naxçıvan Muxtar Respublikası Əmək və Əhalinin Sosial Müdafiəsi Nazirliyinin Məhdud Fiziki İmkanlılar üçün Naxçıvan Regional İnformasiya Mərkəzinin benefisiarlarının iştirakı ilə 8 Noyabr – Zəfər Gününə həsr olunan inklüziv konsert proqramı təşkil edilib.
Nazirliyin mətbuat xidmətindən AZƏRTAC-ın bölgə müxbirinə bildirilib ki, Heydər Əliyev Sarayında keçirilən tədbirdə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin müavini Samir Seyidəhmədli, dövlət və hökumət nümayəndələri, media təmsilçiləri, blogerlər və ictimaiyyət nümayəndələri iştirak ediblər. Əvvəlcə Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
Sonra 44 günlük Vətən müharibəsində qazanılmış tarixi Zəfəri, eləcə də işğaldan azad edilmiş ərazilərdə həyata keçirilən bərpa-quruculuq işlərini əks etdirən videoçarx nümayiş olunub.
Konsert proqramında mərkəzin musiqi terapiyası bölməsinin benefisiarlarının ifasında “Sən qalibsən”, “Azərbaycan”, “Vətənimə qurbanam”, “Zəfər mahnısı” və digər musiqi nömrələri təqdim edilib. İfaçıları Məhdud Fiziki İmkanlılar üçün Naxçıvan Regional İnformasiya Mərkəzinin benefisiarlarından ibarət və bədii rəhbəri Gülafər Məhərrəmova olan Mahnı və Rəqs Ansamblı müşayiət edib.
Əməkdar artist Fərqanə Qasımova “Ürəklərə bağlıyam” mahnısını ifa edib. Daha sonra tanınmış ifaçı Mərkəzin benefisiarları ilə birlikdə “Qarabağ” mahnısını səsləndirib.
Müxbir - Nail Əsgərov
Bölmənin digər xəbərləri
