Soyuq hava şəraiti nə vaxta kimi davam edəcək? VİDEO
Bakı, 11 noyabr, AZƏRTAC
Bu gün Bakıda və Abşeron yarımadasında fasilələrlə yağış yağacağı gözlənilir. Noyabrın 12-si səhər saatlarınadək hava şəraitinin əsasən yağıntılı keçəcəyi gözlənilir.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib. O bildirib ki, noyabrın 12-si gündüz və 13-də Bakı və Abşeron yarımadasında hava şəraiti əsasən yağmursuz olacaq və mülayim cənub-şərq küləyi əsəcək: “Havanın maksimal temperaturunun 14-19 dərəcə isti olacağı gözlənilir. Eyni zamanda, bölgələrdə noyabrın 11-i və yaxın iki gün ərzində əsasən yağmursuz hava şəraiti olacaq, bəzi yerlərdə duman olacaq, qərb küləyi kəsəcək. Havanın maksimal temperaturu Aran rayonlarında 15-20, dağlıq ərazilərdə isə 7-12 dərəcə isti təşkil edəcək”, - deyə G. Məmmədova qeyd edib.
Müxbir- Günel Türksoy
Bölmənin digər xəbərləri
