Azər Bayramov: Ələt Azad İqtisadi Zonası sahibkarlara əlverişli biznes mühiti təqdim edir VİDEO

12.11.2026 [11:56]
Çap et
A⁺ A^-

Bakı, 12 noyabr, AZƏRTAC

Ələt Azad İqtisadi Zonası sahibkarlara əlverişli biznes mühiti təqdim edir. Gələn ildən bu zonada istehsal edilən, təsdiqlənən siyahıya daxil olan azərbaycanmənşəli məhsulların ən azı yarısı ixrac edildiyi halda, digər hissəsi daxili bazara gömrük rüsumu olmadan çıxarıla biləcək.

AZƏRTAC xəbər verir ki, bunu İqtisadiyyat nazirinin müavini Azər Bayramov Milli Məclisin bu gün keçirilən Gənclər və idman, İctimai birliklər və dini qurumlar, Mədəniyyət komitələrinin birgə iclasında "2027-ci il dövlət büdcəsi haqqında" qanun layihəsinin müzakirəsi zamanı bildirib.

O qeyd edib ki, zonanın infrastrukturunun təkmilləşdirilməsi istiqamətində görüləcək işlər istehsal və ixrac potensialını artıracaq.

^{Fotoqraf - Aydın Məmmədov}