İDMAN


Qadın güləşçilərimiz İsveçdə keçiriləcək açıq beynəlxalq turnirdə iştirak edəcəklər

Bakı, 27 fevral (AZƏRTAC). Martın 1-2-də İsveçin Klippan şəhərində qadın güləşi üzrə açıq beynəlxalq turnir keçiriləcəkdir.

AZƏRTAC xəbər verir ki, qadın güləşi üzrə Azərbaycan yığma komandasının 4 üzvü bu turnirdə iştirak edəcəkdir.

Kiyevdə Ukrayna yığma komandası ilə təlim-məşq toplanışını tamamlayan güləşçilərimiz fevralın 27-də İsveçə yola düşəcəklər.

Baş məşqçi Yaqub Məmmədov və böyük məşqçi Konstantin Konorevin rəhbərliyi altında turnirdə Azərbaycanı Mariya Stadnik (48 kq), Patimat Baqomedova (53 kq), Yuliya Ratkeviç (58 kq) və Səbirə Əliyeva (75 kq) təmsil edəcəklər.

Görüşlərin idarə edilməsində beynəlxalq dərəcəli hakim Natiq Hacıyev iştirak edəcəkdir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.