Ağdaş rayonunda bostan məhsullarının yığımına başlanılmışdır
Ağdaş, 16 may (AZƏRTAC). Ağdaş rayonunda yazlıq bitkilərin əkin sahəsi cari ildə xeyli artırılmışdır.
Rayon icra hakimiyyətindən AZƏRTAC-a bildirmişlər ki, cari ildə Ağdaşda 4380 hektar sahədə tərəvəz əkilmişdir. İstixanalarda yetişdirilmiş tərəvəz məhsullarının yığımına başlanılsa da, açıq havada əkilmiş tərəvəz şitillərinin becərilməsi prosesi davam edir. Bu günədək istixanalardan 100 tondan çox pomidor və xiyar tədarük olunmuşdur. Torpaq mülkiyyətçiləri bu il, 1187 hektar sahədə kartof, 1324 hektar sahədə qarğıdalı, 127 hektar sahədə paxla, 1531 hektar sahədə tərəvəz və digər bostan bitkiləri əkmişlər. Hazırda bitkilərə aqrotexniki qulluq edilir. İyul-avqust aylarında bu sahələrdən məhsul yığımına başlanılacaqdır.
Ağdaş rayonunun əlverişli iqlim şəraiti ildə iki dəfə kələm yetişdirməyə və bol məhsul götürməyə imkan verir. Yaz mövsümündə rayonun Şəmsabad, Tofiqi, Xosrov, Ləki, Güvəkənd, Cardam, Kotanarx kəndlərində ümumilikdə 2300 hektar sahədə kələm əkilmişdir. Hazırda rayonda kələm yığımı davam etdirilir. Fermerlər və torpaq mülkiyyətçiləri bu günədək 1650 ton məhsul toplamışlar.
Bölmənin digər xəbərləri
