ELM VƏ TƏHSİL
“SABAH” qruplarına 738 tələbə qəbul olunub VIDEO
Bakı, 15 avqust (AZƏRTAC). Təhsil Nazirliyi tərəfindən keçirilmiş müsabiqənin nəticələrinə əsasən, “SABAH” qruplarına 738 tələbə qəbul olunub.
Təhsil Nazirliyindən AZƏRTAC-a bildiriblər ki, “SABAH” qruplarının Azərbaycanda fəaliyyət göstərən 34 ali təhsil müəssisəsinin birinci kurs tələbələrindən, 53 ixtisas üzrə müsabiqə yolu ilə formalaşdırılması nəzərdə tutulub. Müsabiqə prosesi üç mərhələdən - elektron ərizələrin qəbulu, test imtahanı və müsahibə mərhələsindən ibarət olub.
Elektron ərizələrin qəbulu “SABAH” qruplarının rəsmi saytı (www.sabah.edu.az) vasitəsilə bu il mayın 12-dən iyunun 15-dək aparılıb. Elektron müraciət edən 2 min 479 tələbədən 2 min 34-ü sənədini təsdiqləyib.
“SABAH” qruplarına test imtahanı iyulun 6-da Bakıda və Naxçıvan şəhərlərində keçirilib. Test imtahanında iştirak etmiş tələbələrin imtahan nəticələrinin yekun təhlili aparılarkən ixtisasların prioritetliyi nəzərə alınıb. Müsahibəyə buraxılmış 859 tələbədən 843 nəfəri müsahibədə iştirak edib.