DÜNYA
Moskvada baş verən yanğın nəticəsində həlak olanların sayı 17 nəfərə çatıb VİDEO [YENİLƏNİB]
Moskva, 27 avqust, AZƏRTAC
Moskvanın şimal-şərqində Altufev şosesində anbarda baş verən yanğın nəticəsində ölənlərin sayı 17-yə çatıb. Belə ki, yaralananlardan biri xəstəxanada dünyasını dəyişib.
RİO Novosti agentliyinin verdiyi xəbərə görə, həlak olanların hamısı MDB ölkələrinin vətəndaşlarıdır.
Qeyd edək ki, yanğın “Peçatnıy ekspress” QSC-yə məxsus mətbəədə baş verib. Hüquq mühafizə orqanları yanğının səbəbini araşdırırlar. Faktla bağlı cinayət işi açılıb.
11:58
Moskvanın şimal-şərqində Altufev şosesində anbarda baş verən yanğın nəticəsində 16 nəfər həlak olub.
AZƏRTAC RİO Novosti agentliyinə istinadla xəbər verir ki, mətbəə məhsulları olan anbarda yanğın nəticəsində xəsarət alan dörd nəfər isə xəstəxanaya yerləşdirilib. Yanğınsöndürənlər 12 nəfəri xilas edə biliblər.
Fəridə Abdullayeva
AZƏRTC-ın xüsusi müxbiri
Moskva