DÜNYA


ABŞ Liviya hökuməti ilə gərginliyin azaldılması və neft hasilatının bərpasına dair razılıq əldə edib

Qahirə, 8 avqust, AZƏRTAC

ABŞ-ın Milli Təhlükəsizlik Şurasının Yaxın Şərq və Şimali Afrika üzrə xüsusi nümayəndəsi, səfir Miqel Korrea və Birləşmiş Ştatların Liviyadakı səfiri Riçard Norland rəsmi Tripoli ilə onlayn danışıqlar aparıblar.

AZƏRTAC xəbər verir ki, Liviya Razılıq Hökumətinin iştirak etmədiyi danışıqlarda bu ölkəni parlamentin Xarici əlaqələr komitəsinin sədri Tacəddin əl-Rezaqi təmsil edib. ABŞ-ın Tripolidəki səfirliyinin mətbuat açıqlamasında bildirilib ki, tərəflər Sirtə və Cufra zonasından qoşunların çıxarılması və neft sektorunun fəaliyyətinin tam şəffaf şəraitdə bərpa edilməsi istiqamətində konkret addımları müzakirə ediblər. Birləşmiş Ştatlar, həmçinin Liviyanın suverenliyi və digər ölkələrin muzdlu əsgərlərinin bölgədən çıxarılması barədə mövqeyini çatdırıb.

Liviya parlamentinin nümayəndəsi və ABŞ diplomatları bu məsələlərə dair sıx əməkdaşlıq edəcəklərini bəyan ediblər. Vaşinqton bütün tərəflərlə, o cümlədən Liviya Razılıq Hökuməti ilə bu ölkədə gərginliyin azaldılması, silahlı münaqişənin sülh yolu ilə həlli üzrə danışıqları davam etdirəcəyini bildirib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.