DÜNYA


ABŞ-da sərnişin təyyarəsi məcburi eniş edib

Bakı, 5 iyun, AZƏRTAC

ABŞ-da təyyarə sərnişinlərdən birinin pilot kabinəsinə girməyə cəhd göstərməsi səbəbindən Albukerke şəhərinin (Nyu-Meksiko ştatı) aeroportuna məcburi eniş edib.

AZƏRTAC ABŞ telekanallarına istinadla xəbər verir ki, Delta aviakompaniyasına məxsus təyyarə Los-Ancelesdən Neşvill şəhərinə uçurdu. Göyərtəsindəki insidentlə əlaqədar layner Albukerke şəhərindəki Sanport beynəlxalq aeroportuna yönləndirilib.

Aeroportun əməldaşları bildiriblər ki, sərnişin təyyarənin kabinəsinə girməyə çalışıb, lakin buna nail olmayıb. Təyyarə bələdçiləri və sərnişinlər onu neytrallaşdıra biliblər. Sərnişinlərin sözlərinə görə, həmin şəxs “təyyarəni dayandırmağı” tələb edib. Layner aeroporta heç bir hadisə baş vermədən enib.

Albukerke aeroportunda polis basqınçını saxlayıb. İşin təhqiqatı ilə FTB məşğul olur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.