İQTİSADİYYAT


ABŞ-ın “ExxonMobil” korporasiyası BTC layihəsinin səhmdarı olub

Bakı, 16 fevral, AZƏRTAC

Dünyanın ən böyük neft şirkətlərindən biri olan ABŞ-ın “ExxonMobil” korporasiyası Bakı–Tbilisi–Ceyhan əsas ixrac neft boru kəməri (BTC) layihəsinin səhmdarı olub.

AZƏRTAC xəbər verir ki, bu barədə “BP-Azerbaijan” şirkətinin məlumatında bildirilir.

Məlumata görə, “BTC Co.”nun səhmdarları arasında dəyişiklik olub. Belə ki, “ExxonMobil” şirkəti “BTC Co.”nun səhmdarı olan “CIECO” şirkətinin 2,5 faizlik səhmini alıb.

Hazırda “BTC Co.”nun səhmdarları belədir: BP (30,1 faiz), “AzBTC” (25 faiz), “Chevron” (8,9 faiz), “Statoil” (8,71 faiz), TPAO (6,53 faiz), “Eni” (5,00 faiz), “Total” (5 faiz), “Itochu” (3,4 faiz), “Inpex” (2,5 faiz), “ExxonMobil” (2,5 faiz) və “ONGC (BTC) Limited” (2,36 faiz) şirkətləridir.

Qeyd edək ki, 1768 kilometr uzunluğa malik BTC boru kəməri 2006-cı ilin iyunundan istismardadır. Həmin vaxtdan 2017-ci ilin sonunadək BTC ilə ümumilikdə 383 milyon tondan çox (təxminən 2,87 milyard barrel) xam neft nəql olunub və Ceyhan limanında 3 min 758 tankerə yüklənərək dünya bazarına göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.