DÜNYA


ABŞ-ın şərqində gözlənilən qar fırtınası səbəbindən 5 minə yaxın aviareys təxirə salınıb

Bakı, 29 yanvar, AZƏRTAC

ABŞ-da ölkənin şərq sahillərinə güclü qar yağacağı ehtimalı ilə əlaqədar 5 minə yaxın aviareys ləğv edilib.

AZƏRTAC “flightaware.com” portalında yerləşdirilən məlumatlara istinadla xəbər verir ki, cümə günü ABŞ-a və ya ABŞ-dan 1400-dən çox daxili və beynəlxalq uçuş, şənbə günü isə 3300-dən çox reys ləğv olunub. Məlumatlar daim yenilənir və təxirə düşən uçuşların sayının daha da çox olacağı istisna edilmir.

Bildirilir ki, gözlənilən qar fırtınası daha çox ABŞ-ın şərqindəki böyük şəhərlərin - Nyu-York, Boston, Vaşinqton, Atlanta, Şarlottanın hava limanlarına təsir edəcək. Hava proqnozuna görə, yanvarın 29-u gündüz bəzi hava limanlarının ərazisinə 45 santimetrə qədər qar yağa bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.