ELM VƏ TƏHSİL


ADNSU-da qış semestrinin imtahan sessiyasının şəffaf keçirilməsi üçün lazımi tədbirlər görülüb

Bakı, 9 yanvar, AZƏRTAC

Azərbaycan Dövlət Neft və Sənaye Universitetində (ADNSU) 2018-2019-cu tədris ilinin payız semestrinin imtahan sessiyası davam edir.

ADNSU-dan AZƏRTAC-a bildiriblər ki, imtahanlarda 10 min 297 bakalavr və 1192 magistrant iştirak edəcək. Bu günədək imtahanlarda 6 min 261 tələbə iştirak edib.

Universitetdə imtahan sessiyasının mövcud qaydalara uyğun təşkili, tələbələrin biliyinin qiymətləndirilməsində şəffaflığın və obyektivliyin təmin olunması istiqamətində bütün lazımi tədbirlər görülüb. Həmçinin yaradılan İmtahan Müşahidə Mərkəzi tərəfindən şəffaflığın təmin edilməsi məqsədilə imtahan prosesinə nəzarət olunur.

Qeyd edək ki, imtahanlar iki növbədə və üç formada (yazılı, yazılı-şifahi və test) keçirilir. İmtahan cavabları kodlaşdırılır və yoxlandıqdan sonra nəticələr 24 saat müddətində elektron universitetdə (Unibook) yerləşdirilir. ADNSU-da payız semestrinin imtahan sessiyası qiyabi şöbədə 2018-ci il dekabrın 20-dən, əyani şöbədə isə bu il yanvarın 3-dən başlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.