ELM VƏ TƏHSİL


ADU-da Çex Dili və Mədəniyyəti Mərkəzinin açılması nəzərdə tutulur

Bakı, 6 noyabr, AZƏRTAC

Azərbaycan Dillər Universitetinin (ADU) rektoru, akademik Kamal Abdulla Çex Respublikasının təhsil, gənclər və idman nazirinin müavini xanım Dana Prudnikova ilə görüşüb.

ADU-dan AZƏRTAC-a bildiriblər ki, görüşdə Kamal Abdulla qonağa universitet haqqında ətraflı məlumat verib. Bildirib ki, 1970-ci ildən fəaliyyət göstərən təhsil ocağında bir çox dillər tədris olunur. Rektor qeyd edib ki, ADU-da Çex Dili və Mədəniyyəti Mərkəzinin açılması nəzərdə tutulur. O, ümid etdiyini bildirib ki, Çex Respublikasının universitetlərindən birində isə Azərbaycan Dili və Mədəniyyəti Mərkəzi açılacaq.

K.Abdulla Azərbaycanın multikulturalizm sahəsində gördüyü işlərdən danışaraq bu istiqamətdə də birgə əməkdaşlığın mümkünlüyündən söz açıb.

Dana Prudnikova universitetdə Çex dilinin tədrisi istiqamətində atılacaq addımlara görə əvvəlcədən minnətdarlığını bildirib. Qeyd edib ki, ölkəsindəki universitetlərin birində Azərbaycan Dili və Mədəniyyəti Mərkəzinin açılması üçün əlindən gələn köməyi edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.