DÜNYA
ALMANİYADA İNSAN ALVERİNƏ QARŞI MÜBARİZƏ GÜCLƏNDİRİLİR
AZƏRTAC-ın xüsusi müxbiri xəbər verir ki, terrorizmin bu təhlükəli növlərinə qarşı bütün Almaniya ərazisində genişmiqyaslı mübarizə əməliyyatları keçirən hüquq mühafizə orqanları həmin işə ölkənin Nordrayn Vestfalen federal əyalətindən başlamışlar. Əyalətin iri Düsseldorf, Bonn, Köln, Dortmund, Bohum və digər şəhərlərində eyni vaxtda keçirilən əməliyyat tədbirləri nəticəsində insan alveri ilə bağlı 118 cinayət faktı aşkar olunmuşdur. Məlum olmuşdur ki, həmin şəhərlərdə rəsmi dövlət qeydiyyatında olan və əyləncə mərkəzləri kimi fəaliyyət göstərən bar və klublarda insan alverinin qurbanı olmuş insanlar saxlanılır və “məcburi əməyə” cəlb edilirlər. Onların əksəriyyəti Şərqi və Cənub-Şərqi Avropa ölkələrindən aldadılaraq gətirilmiş qadınlar və qızlardır.