İQTİSADİYYAT


“ASK Şüşə” “Coca-Cola Bottlers Georgia” JSC şirkəti ilə əməkdaşlıq edəcək

Bakı, 7 noyabr, AZƏRTAC

“Azərbaycan Sənaye Korporasiyası” ASC-nin törəmə müəssisəsi olan “ASK Şüşə” MMC ölkənin qeyri-neft sektorunun inkişafı üçün əhəmiyyət kəsb edən əməkdaşlığa başlayıb.

ASC-dən AZƏRTAC-a bildirilib ki, “ASK Şüşə” MMC ixrac potensialının genişləndirilməsi, məhsulların yeni bazarlara çıxarılması məqsədilə Gürcüstanda fəaliyyət göstərən “Coca-Cola Bottlers Georgia” JSC şirkəti ilə müqavilə imzalayıb. Müqaviləyə əsasən, “ASK Şüşə” MMC cari ilin sonunadək həmin şirkətə “Coca-Cola” və “Fanta” içkilərinin qablaşdırılması üçün 2 milyon 600 min ədəd şüşə tara ixrac edəcək. Razılaşmaya əsasən, 2020-ci il üçün daha böyük həcmli (ilkin sifariş proqnozu 10-20 milyon ədəd) şüşə taranın istehsalına dair müqavilənin bağlanması nəzərdə tutulur.

Hazırda müəssisədə istehsal olunan məhsulların keyfiyyətinin yüksəldilməsi üzrə kompleks tədbirlər həyata keçirilir. Bu tədbirlər çərçivəsində məhsul istehsalında istifadə olunan xammalın keyfiyyəti “ASK Şüşə” MMC-nin texniki nəzarət laboratoriyasında yoxlanıldıqdan sonra Gürcüstana göndərilib və orada bütün lazımi sınaqlardan uğurla keçib. Son mərhələdə isə xammalın fiziki-kimyəvi göstəriciləri İtaliyada yoxlanılaraq dünya standartlarına cavab verdiyi təsdiqlənib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.