RƏSMİ SƏNƏDLƏR
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Möhtərəm cənab Prezident,
Əziz dost!
Doğum gününüz münasibətilə Sizə ən xoş səadət, cansağlığı və Azərbaycan xalqının Sizə etimad etdiyi vəzifənin yerinə yetirilməsi naminə uğurlar arzuladığımı bildirmək istərdim. Fürsətdən istifadə edərək, mən dost Azərbaycan xalqını salamlayır, ona sülh və tərəqqi arzulayıram.
Bu sözləri yazdığım anda mən Azərbaycan Respublikasına etdiyim səfəri məmnuniyyət hissi ilə xatırlayıram. Həmin səfər bütün sahələrdə ikitərəfli münasibətlərin möhkəmləndirilməsinə, xüsusən də iqtisadi əlaqələrin gücləndirilməsinə lazımi təkan verdi.
Cənab Prezident, yubileyinizlə bağlı Sizi bir daha təbrik edir və mənim ən yüksək hörmət və ehtiramımı qəbul etməyinizi xahiş edirəm.
İon İliyesku
Rumıniya Respublikasının Prezidenti
Buxarest, 10 may 2003-cü il