RƏSMİ SƏNƏDLƏR
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Hörmətli Heydər Əlirza oğlu!
Həyatınızda əlamətdar hadisə - anadan olmağınızın 80 illiyi münasibətilə Sizi səmimiyyətlə və ürəkdən təbrik edirəm.
Bu illər ərzində Siz parlaq həyat yolu keçmisiniz, Azərbaycanın sosial-iqtisadi, mənəvi inkişafı işinə əvəzsiz töhfələr vermisiniz, Azərbaycan xalqının danılmaz lideri olmusunuz.
Dağıstanlılar Sizə görkəmli dövlət xadimi və beynəlxalq miqyaslı siyasətçi kimi hörmət bəsləyir, Azərbaycanla Rusiya arasında tarixən təşəkkül tapmış mehriban qonşuluq münasibətlərinin inkişafına, Azərbaycan və Dağıstan xalqları arasında qardaşcasına dostluğun möhkəmlənməsinə verdiyiniz töhfəni yüksək qiymətləndirirlər.
Hörmətli Heydər Əlirza oğlu, səmimi qəlbdən Sizə möhkəm cansağlığı, uzun illər tükənməz qüvvə və enerji, Azərbaycan Respublikasının tərəqqisi naminə çoxşaxəli fəaliyyətinizdə yeni-yeni uğurlar arzulayıram.
Səmimiyyətlə,
Məhəmmədəli Məhəmmədov
Dağıstan Respublikası Dövlət Şurasının
sədri