RƏSMİ SƏNƏDLƏR
“AZƏRBAYCAN RESPUBLİKASI İLƏ AVROPA YENİDƏNQURMA VƏ İNKİŞAF BANKI ARASINDA BORC SAZİŞİNİN (BAKI-SAMUR LAYİHƏSİ)” TƏSDİQ EDİLMƏSİ BARƏDƏ
AZƏRBAYCAN RESPUBLİKASI PREZİDENTİNİN SƏRƏNCAMI
1. 2005-ci il sentyabrın 29-da Quba şəhərində imzalanmış “Azərbaycan Respublikası ilə Avropa Yenidənqurma və İnkişaf Bankı arasında Borc Sazişi (Bakı-Samur layihəsi)” təsdiq edilsin.
2. Azərbaycan Respublikasının Nazirlər Kabinetinə tapşırılsın ki, bu Sərəncamın 1-ci bəndində göstərilən Sazişin həyata keçirilməsi ilə əlaqədar lazımi tədbirlər görsün.
3. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Avropa Yenidənqurma və İnkişaf Bankını xəbərdar etsin.
İlham Əliyev
Azərbaycan Respublikasının Prezidenti
Bakı şəhəri, 14 dekabr 2005-ci il.