RƏSMİ SƏNƏDLƏR
AZƏRBAYCAN RESPUBLİKASI PREZİDENTİNİNSƏRƏNCAMI
"AZƏRBAYCAN RESPUBLIKASININ ƏDLIYYƏ NAZIRLIYI VƏ FRANSA RESPUBLIKASININ ƏDLIYYƏ NAZIRLIYI ARASINDA ƏMƏKDAŞLIQ HAQQINDA SAZIŞ"INTƏSDIQ EDILMƏSI BARƏDƏ
1. 2004-cü il yanvarın 22-də Paris şəhərində imzalanmış "Azərbaycan Respublikasının Ədliyyə Nazirliyi və Fransa Respublikasının Ədliyyə Nazirliyi arasında əməkdaşlıq haqqında Saziş" təsdiq edilsin.
2. Azərbaycan Respublikasının Ədliyyə Nazirliyinə tapşırılsın ki, bu Sərəncamın 1-ci bəndində göstərilən Sazişin həyata keçirilməsini təmin etsin.
3. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Fransa Respublikası tərəfinə müvafiq bildiriş göndərsin.
İlham Əliyev
Azərbaycan Respublikasının Prezidenti
Bakı şəhəri, «3» mart 2004-cü il