İDMAN


AZƏRBAYCAN VOLEYBOLÇULARI SLOVAKİYADA UĞURLA ÇIXIŞ ETMİŞLƏR

Azərbaycanın yığma qadın voleybol komandası Avropa çempionatının seçmə turnirinin Slovakiyada keçirilən birinci dövrəsində uğurla çıxış etmişdir.

Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, voleybolçularımız ilk oyunda dünya çempionlarını - İtaliya yığma komandasını 3:0 hesabı ilə məğlub etmiş, növbəti görüşdə isə meydan sahiblərinə 3:2 hesabı ilə qalib gəlmişlər.

Faiq Qarayevin yetirmələri üçüncü, həlledici oyunda dörd hissədə Ukrayna yığma komandasına məğlub olmuşlar.

Beləliklə, komandamız qrupda ikinci yeri tutmuşdur.

Xatırladaq ki, yarışların ikinci dövrəsi sentyabrda Bakıda keçiriləcək və onun yekunlarına əsasən, Avropa çempionatının final mərhələsinə çıxmaq hüququ qazanan iki komanda müəyyən olunacaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.