REGİONLAR


Abşeron rayonunda Silahlı Qüvvələr Günü qeyd edilib

Xırdalan, 27 iyun, Ətrabə Rzayeva, AZƏRTAC

Abşeron Rayon İcra Hakimiyyətinin təşkilatçılığı ilə rayon ərazisində yerləşən “N” saylı hərbi hissədə 26 iyun - Silahlı Qüvvələr Günü münasibətilə tədbir keçirilib.

AZƏRTAC xəbər verir ki, bayram tədbiri dövlət himninin səsləndirilməsi ilə başlayıb. Azərbaycan Ordusundan bəhs edən film nümayiş etdirilib.

Tədbirdə bildirilib ki, Azərbaycan Respublikası Silahlı Qüvvələrinin inkişafı tarixində ulu öndər Heydər Əliyevin müstəsna xidmətləri var. Ümummilli Liderin 1998-ci il mayın 22-də imzaladığı Fərmana əsasən, artıq 20 ildir ki, 26 iyun – Silahlı Qüvvələr Günü Azərbaycanda ümumxalq bayramı kimi qeyd edilir.

Hərbi hissənin komandanlığı zabit, gizir və sıravi əsgərlərin adından bayram tədbirinin təşkili üçün minnətdarlığın bildirib, ölkəmizdə ordu quruculuğu istiqamətində görülən işlərdən danışıb.

Sonra hərbi hissəyə xatirə hədiyyəsi təqdim edilib.

Tədbir konsert proqramı ilə davam edib. Vətənpərvərlik ruhunda səsləndirilən mahnılar hərbi hissənin əsgər və zabit heyəti tərəfindən böyük coşqu ilə qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.