DÜNYA


Əfqanıstanda aviasiya zərbəsi nəticəsində ən azı 16 dinc sakin həlak olub

Bakı, 28 noyabr, AZƏRTAC

Əfqanıstanın Hilmənd əyalətində “Taliban” hərəkatının mövqelərinə endirilən aviasiya zərbəsi nəticəsində ən azı 16 dinc sakin həlak olub.

AZƏRTAC Pajvak informasiya agentliyinə istinadla xəbər verir ki, insident noyabrın 27-də gecə saatlarında qeydə alınıb.

Digər məlumatlara görə isə bombardman nəticəsində həlak olan dinc sakinlərin sayı təxminən 30 nəfər təşkil edir.

Qeyd edək ki, 2014-cü ildə Amerikanın hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən taliblər böyük şəhərlər istiqamətində də hücumlarını davam etdirir. Həmçinin regionda İŞİD qruplaşması da aktiv fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.