DÜNYA


“Air Astana” aviaşirkəti koronavirus epidemiyası ilə əlaqədar Çinə uçuşları ləğv edir

Nur-Sultan, 29 yanvar, AZƏRTAC

Qazaxıstanın “Air Astana” aviaşirkəti koronavirus epidemiyası ilə əlaqədar Nur-Sultandan və Almatıdan Çinə uçuşun ləğv edilməsinə qərar verib.

AZƏRTAC xəbər verir ki, hazırda “Air Astana” Nur-Sultandan Urumçi və Pekinə həftədə üç, Almatıdan Urumçiyə həftədə dörd, Pekinə isə beş uçuş həyata keçirir. Aviaşikət uçuş cədvəlində dəyişikliklər haqda əlavə məlumat verəcək.

Çin hava limanlarında koronavirus infeksiyasının gətirilməsinin və yayılmasının qarşısını almaq məqsədilə ölkəyə gələn sərnişinlər Nur-Sultan və Almatıda analoji yoxlama prosedurundan keçirlər. Qazaxıstanda koronavirusa yoluxma halları aşkarlanmayıb.

Qeyd edək ki, Qazaxıstan koronavirusa görə Çin ilə sərnişin dəmir yolu əlaqəsini də dayandırmaq niyyətindədir.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.