REGİONLAR


Astaralı idmançılar Bakıda keçirilən beynəlxalq turnirdə 1 qızıl, 4 gümüş və 1 bürünc medal qazanıblar

Astara, 8 may, Bağır Əliyev, AZƏRTAC

Astaralı idmançılar Bakı İdman Sarayında ümummilli lider Heydər Əliyevin xatirəsinə həsr olunmuş budo döyüş növləri üzrə uşaqlar, yeniyetmələr, gənclər və böyüklər arasında keçirilən beynəlxalq turnirdə uğurla çıxış ediblər.

AZƏRTAC-ın bölgə müxbiri xəbər verir ki, beş gün davam edən yarışda astaralı idmançı Əli Qəmbərov 60 kiloqram çəki dərəcəsində birinci yeri tutaraq fəxri kürsünün ən yüksək pilləsinə yüksəlib.

Digər Astara idmançıları - Ruhid Məmmədzadə 35, Nurlan Əlizadə 60, Yusif Əsgərov 62 və Ülvin Qəmbərov 86 kiloqram çəki dərəcəsində ikinci, Nihad Abdullazadə isə 30 kiloqram çəki dərəcəsində üçüncü yerləri tutublar.

İdmançıları yarışa budo döyüş növləri üzrə məşqçi-müəllimlər Vüsal İskəndərli, VI dan qara kəmər ustası Ramiq Rəhmanov və III dan qara kəmər ustası Zamin Baxşıyev hazırlayıblar.

Astara Rayon Gənclər və İdman İdarəsində beynəlxalq turnirdə uğur qazanmış idmançılar, onların valideynləri və məşqçiləri ilə görüş keçirilib.

Görüşdə çıxış edən idarənin rəisi Ərçə Əliyev Bakıda keçirilən beynəlxalq turnirdə uğurla çıxış edən idmançıları, onların məşqçilərini təbrik edərək onlara yeni-yeni qələbə sevincləri arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.