DÜNYA


Avstriya BMT-nin İnsan Hüquqları Şurasına üzv seçilib

Vyana, 13 oktyabr, AZƏRTAC

Avstriya 2019-2021-ci illər üzrə BMT-nin İnsan Hüquqları Şurasına üzv seçilib.

AZƏRTAC xəbər verir ki, bu barədə məlumatı Avstriyanın Xarici İşlər Nazirliyi yayıb. Məlumatda bildirilir ki, BMT Baş Məclisində 193 dövlətdən 171-i Avstriyanın Şuraya üzvlüyünü dəstəkləyib.

Avstriyanın xarici işlər naziri Karin Knayssl ölkəsinə qarşı göstərilən böyük etimada görə təşəkkürünü bildirib və Şuraya üzvlük dövründə insan haqları, xüsusilə qadın hüquqlarının gücləndirilməsi, azlıqların hüquqlarının qorunması, mətbuat və media azadlığının müdafiəsi, ölkədaxili məcburi köçkünlərin hüquqları və həbsxanalarda insan haqları sahəsinə xüsusi diqqət yetiriləcəyini söyləyib.

Qeyd edək ki, il ərzində azı üç dəfə BMT-nin Cenevrə Bölməsində toplantılarını keçirən İnsan Hüquqları Şurası 47 üzvdən ibarətdir.

Elgün Niftəli

AZƏRTAC-ın xüsusi müxbiri

Vyana 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.