Bakı, 10 iyun, AZƏRTAC

Azərbaycan yelkənçiləri İspaniyanın Kosta-Brava şəhərində keçiriləcək Optimist dünya çempionatına qatılacaqlar.

Azərbaycan Yelkən Federasiyadan AZƏRTAC-a verilən məlumata görə, yarışda ölkəmizi Emel Məmmədli, Davud Babazadə, Nərgiz Məmmədova və Nəzrin Məmmədova təmsil edəcəklər.

İdmançılar çempionata məşqçi Yasin Çakır və Azərbaycan Yelkən Federasiyasının vitse-prezidenti Burcu Algon Giorgianninin rəhbərliyi altında yollanıblar.

Qeyd edək ki, dünya çempionatı iyunun 15-25-də təşkil olunacaq.