CƏMİYYƏT


Azərbaycanda COVID-19-un “omikron” ştamının müəyyən edilməsi ilə bağlı tədqiqatlar aparılır

Bakı, 6 yanvar, AZƏRTAC

Azərbaycanda SARS-CoV-2 virusunun genetik xüsusiyyətlərinin müəyyən edilməsi məqsədilə Milli Hematologiya və Transfuziologiya Mərkəzinin Tibbi Genetika bölməsində sekvenləşdirmə çalışması aparılır. Çalışma nəticələrinə əsasən, ölkədə indiyədək yeni növ koronavirus (COVID-19) infeksiyasının “omikron” ştamı aşkar edilməyib.

AZƏRTAC xəbər verir ki, bu barədə Milli Hematologiya və Transfuziologiya Mərkəzindən məlumat verilib.

Qeyd olunub ki, həmin çalışmada sanitar-epidemioloji xidmətin araşdırmasına əsasən, xaricdə yoluxduğu müəyyən edilmiş, COVID-19 PCR müayinə nəticəsi pozitiv çıxmış şəxslərin test nümunələri üstünlük təşkil edir. Həmçinin “omikron” ştamının aşkar edilməsi məqsədilə xəstəliyə təkrar yoluxmuş vətəndaşlar, eləcə də təsadüfi seçim əsasında COVID-19 PCR test nəticəsi pozitiv olanların nümunələri də tədqiq edilir. Tədqiqat nəticəsində “omikron” variantı ilə eynilik təşkil edən nəticələr aşkar edilməyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.